તારે ખોળે કંઇક કિશોરે, જ્ઞાન સુધારસ પીધાં
તારા ચરણોની ધૂલીમાં, જીવન સાર્થક કીધાં
આશ્રમ અજર અમર રહેજે કે
વધવધ વિસ્તોરતો જાજે (2).....
અમ જીવનમાં પ્રેમ, શૌર્યના, પૂર્યા વજ્જર પાયા
નિત્ય-નિરંતર અમ પર રહેજો, તારી શીતળ છાયા,
ભૂલ્યા પથિકને માર્ગે, તૂં ધ્રુવતારક થઇ રહેજે
તારે અંકે ઝૂલતાં-ઝૂલતાં, સ્વપ્ન અનેરાં નીરખ્યાં,
તારા અંકે નવ-જીવનમાં, મૂલ્ય અમૂલાં પરખ્યાં,
તૂં સંગાથી તન-મનનો, વિસામો દીન-દુ:ખી જનનો
દશે-દિશાઓ અમે ગજવશું, તુજ ગુણ ગાતાં ગાતાં
તારા તેજે પાર ઉતરશું, ભવસાગરમાં તરતાં,
તારી કિર્તીના ડંકા ગજવશું, ભૂમિ ભારતમાં,
તારે ખોળે........